Þegar eitthvað svakalegt gerist fer heilinn á manni í fokk. Þegar ég þurfti að hringja í neyðarlínuna gat ég ekki drullast til að stimpla inn nokkuð annað en 114.

Ég held ég taki mið af sjálfri mér þegar ég vel mér uppáhalds-eitthvað. Uppáhalds formúlueitt gaurinn minn er Mika Salo. Af því hann heitir Saló eins og ég þá gerði ég það stundum í gamla daga að horfa á heilar formúlu-keppnir, bölvandi Ferrari og öllum þeim sem voru á undan gaurnum mínum. En já, ég vildi bara lýsa yfir óánægju minni með það að hann skuli ekki keppa í ár, eða sorg minni réttara sagt.
Um daginn voru tveir jakkar hangandi inní stofu, einn grænn og hinn fjólublár. Frekar flottir. Þegar færi gafst á spurði ég mömmu út í þá. Og viti menn, voru þetta þá ekki bara jakkarnir sem Nína var sungin í í Júróvísjon í Róm 1991!

Ég ætla að verða útlendingur þegar ég verð stór.